【發哥做博士】周潤發中三輟學投身社會工作　發哥憑演藝成就獲浸大榮譽人文博士學位

發哥周潤發在今日（8月7日）現身浸會大學，接受該學頒授的榮譽人文博士學位，以表揚發哥專業成就以及對全球電影的重要貢獻。發哥今日在台上說：「大家好，我係周潤發，今日好高興，好日子，立秋，得到呢個獎萬分之高興，多謝晒浸大頒贈呢個博士學位畀我。」

現年66歲的周潤發在童年時於南丫島生活，10歲才搬到九龍生活。在中三時，為補幫家計便投身社會工作。

所以他在台上幽默地稱：「講讀大學，我阿媽有意見，60年代，已經帶我出嚟飄洋過海咁去讀香港社會大學，嗰時我只得10歲啫，當年60年代嘅香港社會非常簡陋，我哋住嘅時方就係舊唐樓。」

可是當時一個單位分租了多人，一共住了30人，他形容：「所以環境係非常之惡劣，對一個鄉下仔嚟講，壓迫感好大，所以好多時間我都係走去睇公餘場。」因此年少時的發哥在戲院度過，不知是否由此種下演戲的種子。

【發哥做博士】周潤發將獲浸大頒授榮譽人文博士　表揚發哥專業成就

▼點擊圖片放大

+4

+3

曾被諷為「票房毒藥」

周潤發年青時先後曾任過酒店門僮、郵差、辦公室助理等工作，後來在1973入讀無綫電視第3期藝員訓練班，因為當時電視業急速發展，加上發哥外型高大英俊，所以未畢業已有劇集演出機會。

後來更憑《親情》、《網中人》同《上海灘》等精湛的演出大受歡迎，成為電視界當紅小生。

他表示在「無綫大學」畢業後不停拍戲，由朝早6時拍到凌晨2時，更笑稱：「9年都係咁日日咁樣過，拍咗咩真係唔知，見得最多，唔係我阿媽，係鄭裕玲，一化妝就見到佢，日日陪住我，係返屋企就bye bye，但聽朝又見，唔見幾個鐘又見到佢，鄭裕玲喺陪我喺電視台最多嘅藝人。」

而早在70年代中，發哥在演劇集同時亦已參演電影，可是所主演電影的票房卻總是不理想，更被諷為「票房毒藥」。

▲ 發哥平時喜歡行山，生活十分健康。

成國際級巨星

直至1986年，他主演吳宇森導演《英雄本色》票房及口碑雙贏，紅遍東南亞以至日本，由此成為票房保證。

之後主演《龍虎風雲》、《監獄風雲》、《八星報喜》、《喋血雙雄》、《賭神》、《辣手神探》等一系列電影叫好叫座，不但奠定他在華人影壇的一線地位，甚至為歐美影迷所認識。同時，發哥演技公認出眾，屢次獲香港金像獎、台灣金馬獎影帝。

可是發哥稱當時沒有時間看回自己的演出：「當時早、午、晚三組戲，啲人問我點分啲角色，我就話唔理，去到着咗嗰件衫就識做戲！」

▲ 2001年獲城大頒授榮譽文學博士學位。

進軍荷里活

在1998年，發哥往荷里活發展，曾參演《安娜與國王》（Anna and the King）、《加勒比海盜：魔盜王終極之戰》（Pirates of the Caribbean: At World's End）等大製作，2000年主演的《臥虎藏龍》更獲獲第73屆奧斯卡最佳外語片獎等。

他表示：「覺得電影好好玩，係好有趣行業，每一個角色挑戰性好大，嗰陣因為要搵食，所以要付出，係逼出嚟，好多謝香港人畀到好多鼓勵、包容我，好多謝香港呢個地方畀到好多愛我。」

發哥在今次獲浸會大學的榮譽人文博士學位外，早在1999年，他已獲演藝學院頒發榮譽院士，之後在2001年獲城大頒授榮譽文學博士學位。

同場加映：鍾志光專訪